पछिल्लो समय थुप्रै काण्डले गर्दा अभिनेता पल शाहलाई लिएर फिल्म बनाउन मेकरहरु झस्किएका छ्न् । सामाजिक सञ्जालमा एउटा तप्काले फिल्मविरुद्ध ‘बाइकट अभियान’ चलाउँदा उनलाई लिएर फिल्म बनाउन चाहने मेकरहरु झस्किएनन् मात्र, सम्झौता गरेको फिल्म ‘कल्ली’बाट समेत निकालियो । यो परिस्थितिलाई मध्यनजर गर्दै तिहारको लक्ष्मीपूजालाई प्रदर्शन मिति घोषणा गरिएको उनको नयाँ फिल्म ‘मायावी’को रिलिज नै सार्न निर्माता बाध्य भए । यो पलका लागि ठूलो झड्का थियो ।‘रावायण’ रिलिज अगावै पलले ‘कल्ली’सहित ‘मोहर’ र ‘मायाका रंगहरू’ सम्झौता गरेका थिए । सो फिल्मबाट पल निकालीय भन्ने खबर पनि बाहिरिएको थियो । दशैंको बेला ‘मायाका रंगहरू’मा अभिनेता मनिष राउत भित्रिएपछि पललाई हटाइएको अड्कलबाजी भएको थियो । तर, दुवै फिल्मबाट उनी हटेका छैनन् ।आगामी मंसिर पहिलो साताबाट फिल्मको छायांकन सुरु गरिँदैछ । यसपछि उनले ‘मोहर’को छायांकन गर्नेछन् ।