नायिका रजनी केसी अभिनित चलचित्र ‘पटुकी’को पहिलो लुक्स सार्वजनिक भएको छ । ‘परदेशी’नामक चलचित्रबाट चर्चामा आएकी नायिका केसी अभिनित पटुकी अब आँउदो पुस २१ गते प्रदर्शनमा आउने भएको छ । राम नेपालको निर्देशनमा तयार भएको चलचित्रलाई म्याक्टेन कालुले लगानी गरेका हुन् ।

चलचित्रमा रजनीसँगै निर्माता कालु, जेम्स बिसी, दीपक कँडेल, रोजी श्रेष्ठ, हरि गुरङ लगायतका कलाकारको अभिनय रहेको छ । नारी प्रधान चलचित्र रहेको पटुकीमा सङ्गीत राजनराज सिवाकोटीको रहेको छ भने लक्ष्मण घिमिरेले चलचित्रको छायाङ्कन पाटो समालेका छन् ।