म्युजिक भिडियो हुँदै चलचित्र ‘दर्पण छायाँ २’बाट रजतपटमा प्रवेश गरेका नायक हुन् पुष्पल खड्का । यस अघि उनले अझै पनि नामक चलचित्रमा सह–नायकको भूमिकामा काम गरेका थिए । लिड रोलमा काम गरेको चलचित्र ‘दर्पण छायाँ २’ सफल हुन सकेन । तर पुष्पलको हातबाट भने चलचित्र छुटेका छैनन् । उनी अभिनित चलचित्र ‘मंगलम’ प्रदर्शनको तयारीमा छ । उक्त चलचित्रमा पुष्पलले अभिनेत्री शिल्पा पोखरेलसँग काम गरेका छन् । निर्माण पक्षको अुनसार मंगलम फाल्गुनमा प्रदर्शन हुर्दै छन् । यति बेला मंगलमको सोही जोडी पुन नयाँ चलचित्रमा बाधिने भएको छ । निर्देशक नवल नेपालले निर्माण गर्ने लागेको नयाँ चलचित्रमा अभिनेत्री शिल्पा पोखरेल र पुष्पल खड्का अनुबन्धित भएका छन् । चलचित्रको नाम ‘मन्द मन्द’ राखिएको छ । छायाँकनको तयारी गरिरहेको चलचित्रमा रुद्र खनाल र मिनु मल्लले लगानी रहेको छ ।