गत वर्ष प्रदर्शनमा आएको चलचित्र ‘छक्का पञ्जा’मा समावेश ‘पूर्व पश्चिम रेल’ गीतलाई युट्युबमा २ करोड पटक हेरिएको छ । राजनराज सिवाकोटीको शब्द,सङ्गीत र स्वर रहेको गीतमा गायिका अन्जु पन्तले सिवाकोटीलाई साथ दिएकी छिन् । दिपाश्री निरौलाको निर्देशन रहेको चलचित्र ‘छक्का पञ्जा’ गत वर्षको सुपरहिट चलचित्र हो । यसै चलचित्रमा समावेश ‘पूर्व पश्चिम रेल’को भिडियोलाई कविराज गहतराजले कोरियाग्राफी गरेका हुन् । गीतमा प्रियंका कार्की, दिपराज गिरी, वर्षा राउत, नम्रता सापकोटा, जितु नेपाल, केदार घिमिरे फिचरिङ छन् ।