नेपाली चलचित्र ‘ड्रिम गर्ल’ बन्ने भएको छ । बिहीबार राजधानीमा पत्रकार सम्मेलन आयोजना गर्दै चलचित्रको निर्माण घोषणा गरिएको हो । आर.बि.मुभिज र रिल एण्ड रियल सिनेमाको सहकार्यमा निर्माण हुन लागेका चलचित्रलाई ऋषि राज आचार्यले निर्देशन गर्ने छन् । बिशुद्ध प्रेमकथामा आधारित रहेको चलचित्रमा निर्देशक आचार्य र अर्जुन शर्माको लगानी रहेको छ ।
 

चलचित्रमा आकाश श्रेष्ठ, आश्मा गिरी, सरोज खनाल, बिल्सन विक्रम राई, लक्ष्मी गिरी लगायतका कलाकारको अभिनय रहेको  छ । अर्जुन पोखरेलको सङ्गीत रहने चलचित्रमा सम्राट बस्नेतको एक्सन, गम्भीर बिस्टको नृत्य निर्देशन रहने छ । चलचित्रको छायाङ्कन रारा ताल, मुस्ताङको साथै दुबई र कतारमा हुने निर्माण पक्षले बताए ।