अभिनेता सौगात मल्लको शीर्ष भूमिका रहेको फिल्म ‘बम बहादुर’ को टिजर सार्वजनिक भएको छ l फिल्मले ‘गोर्खा ल्यान्ड’को विषयलाई मुख्य कथावस्तु बनाएको देखिन्छ । २०७४ सालमा ‘गोर्खा ल्यान्ड’को माग गर्दै भारतको दार्जिलिङमा ठूलो आन्दोलन भएको थियो । फिल्मले यही आन्दोलनको विषयलाई उठाएको टिजरले संकेत गर्छ । 

फिल्मलाई जोन राईले निर्देशन गरेका हुन् । फिल्ममा सौगातसहित कलाकारहरू प्रशान्त राई, अनिशा रसाइली, भास्कर प्रधान, महेन्द्र बग्दास, मदन भुजेल, भरत वशिष्ठ, अजय प्रधान, शान्तिला तामाङ, रिया भुजेल, बाल कलाकार वशिस्ट कार्की, सुरेश पन्चकोटी लगायतको पनि अभिनय छ । सञ्जीव सार्की निर्माता रहेको फिल्ममा जोन राई र रुपेश तामाङको कथा र पटकथा छ भने सुजोय कुमार घोष ‘मुन्ना’ छायाँकार हुन् । आगामी पुष ५ गतेबाट प्रदर्शनमा आउने तयारीमा फिल्म रहेको छ l