यापर हाकिम र गायक ब्रिजेश श्रेष्ठको संयुक्त प्रस्तुतीमा र्याप गीत ‘चिसो चिसो हावाले’ सार्वजनिक गरीएको छ l बिहीबार काठमाडौंस्थित जमलमा रहेको विश्वज्योती सिनेप्लेक्समा पत्रकार सम्मेलन गर्दै सार्वजनिक गरिएको हो l गीतको भिडियोमा गायक श्रेष्ठ, र्यापर हाकिम, मोडल युकी, एलिस बहादुर सिंह, सिजन राउत लगायतको अभिनय छ। गायक श्रेष्ठले तयार पारेको अडियोमा त्रिकोणात्मक प्रेमलाई चित्रण गरिएको छ ।कार्यक्रममा शुभकामना दिन र्यापर गीरिस खतीवडा, र्यापर मानस घले पनि उपस्थित थिए। गीत सार्वजनिक समारोहमा उपस्थित र्यापर गिरिश खतिवडाले र्यापको माहोल राम्रो बनिरहेको देख्दा खुसी लागेको बताए। फजी फिल्म्स र् नेस् स्टुडियोले भिडियो परिकल्पना गरेका हुन्। गीत भिडियोको प्रमोशनमा म्युजिकली नेपाल , प्रधुमन नेपाल र उन्नत जङ उप्रेती रहेका छन् l विवेक मगरको छायांकन र निर्देशन रहेको गीतको भिडियो नेस स्टुडियोमार्फत सार्वजनिक गरिएको होl र्यापर हाकिमको ‘राक्षस’,‘चोरीदेउ लौन मलाइ’ र ब्रिजेशको ‘रंग’, ‘ओ मैचा’,‘डल्ली’ लगायत गीत लोकप्रिय छन्।
