फागुन २ बाट प्रदर्शनरत फिल्म "रङ्गी" दोस्रो हप्तामा प्रवेश गरेको छ ।  दोस्रो हप्ता सम्म आईपुग्दा सिनेमाका दर्शक विद्यार्थी केन्द्रित बढी भएको देखिएको छ । बाबू र छोरीलाई लिएर बनेको फिल्मले युवा युवती बालबालिका र बृद्धहरुको मनमा गहिरो छाप पारेको देख्न सकिन्छ ।सुरेश न्यौपानेको ‘डेब्यू’ निर्देशन रहेको सिनेमामा सलोन बस्नेत, नम्रता श्रेष्ठ, दिलीप रायमाझी, आयुषी ढकाल, उत्तम केसी,  सुमिन गुरुङ, र विशाल पहारीको अभिनय छ । सिनेमा ‘रंगी’ सलोनको डेब्यू निर्माण हो ।सक्षम सुवेदी, करिश्मा केसी बस्नेत र अनिश गौतमको निर्माण रहेको फिल्ममा सुमन गजमेरको लेखन, सौरभ लामाको छायांकन, दुर्गेश थापा, आमेश भण्डारी र भीम बिसीको संगीत, आनन्द कार्की, आमेश भण्डारी, भीम बिसी, समीक्षा अधिकारी र सुजता केसीको स्वर, दुर्गेश थापा, आमेश भण्डारी र भीम बिसीको शब्द, बन्दे प्रसादको सम्पादन, राजेन्द्र मोक्तानको कलर, कविराज गहतराज र शिशिर खातीको कोरियोग्राफी तथा केवलमान सिंह बस्नेतको प्रोडक्सन छ ।