आगामी असार २७ गतेबाट प्रदर्शनमा आउने तयारीमा रहेको नेपाली फिल्म 'यो मन त मेरो नेपाली हो' को टिजर सार्वजनिक गरिएको छ। १ मिनेट ३४ सेकेन्ड लामो टिजर मार्फत फिल्मले उठान गरेको विषयवस्तु स्पष्ट झल्किन्छ।

फिल्मको कथावस्तु भुटानी शरणार्थीहरूको पीडा र नेपालको धर्म-संस्कृतिमाथि भइरहेका आक्रमणहरूलाई केन्द्रमा राखिएको छ। टिजरले भावनात्मक र सामाजिक सन्देश दिन खोजेको देखिन्छ।

**मित्र प्रधान (नर)**को निर्देशनमा बनेको यस फिल्ममा विजय बराल, रोशन श्रेष्ठ, विल्सन विक्रम राई, बुद्धि तामाङ, आयुषा समाल, नारायण खाती, भुपेन्द्र लिङ्देन, सुवास भण्डारी, विजय सुब्बा, विजिता परियार, देवराज राजबंशी लगायत कलाकारहरूको अभिनय रहेको छ।

ईश्वर इन्टरटेन्मेन्टको ब्यानरमा निर्मित यस फिल्मका प्रस्तुतकर्ता मित्र प्रधान हुन् भने निर्माता ज्ञान बहादुर प्रधान (रोशन) हुन्। फिल्ममा शिवम् अधिकारीको लेखन, सौरभ लामाको छायांकन, देव महर्जनको द्वन्द्व निर्देशन, समीर मियाको भिएफएक्स, कविराज गहतराज र प्रमोद भण्डारीको कोरियोग्राफी, र बनिश शाहको सम्पादन रहेको छ।

फिल्मले नेपाली भाषा, यसको महत्त्व र इतिहासलाई उजागर गर्ने उद्देश्य राखेको बताइएको छ।

फिल्मको छायांकन नेपालका झापा र इलाम, भारतका सिक्किम, दार्जिलिङ, जयगाउँ, तथा अमेरिकासम्म गरिएको हो। संगीत पक्षमा दीपक शर्मा, विकास चौधरी, र थोरम्पो ह्यङ राई को संगीत सुन्न पाइनेछ।