इन्टरनेट तथा टिभी सेवा प्रदायक कम्पनी भायानेट कम्युनिकेशन लिमिटेडले अनुभवी बैंकर परशुराम कुँवर क्षेत्रीलाई स्वतन्त्र सञ्चालकको रूपमा आफ्नो सञ्चालक समितिमा नियुक्त गरेको छ। कम्पनीको सञ्चालक समितिको निर्णयअनुसार क्षेत्री भायानेटको बोर्डमा आबद्ध भएका हुन्।

तीन दशकभन्दा बढी समयदेखि बैंक तथा वित्तीय क्षेत्रका कुशल तथा अनुभवी व्यक्तित्वका रूपमा चिनिएका क्षेत्रीले सन् १९८६ मा तत्कालीन ग्रिण्डलेज बैंक (हालको स्ट्यान्डर्ड चार्टर्ड बैंक) बाट आफ्नो करियर सुरु गरेका थिए। त्यसयता उनले नेपाल बैंक, सिटिजन्स बैंक इन्टरनेशनल, बैंक अफ एशियामा वरिष्ठ पदमा कार्य अनुभव संकलन गरेका छन्। साथै, उनले जनता बैंक र ग्लोबल आइएमई बैंकमा **प्रमुख कार्यकारी अधिकृत (CEO)**को रूपमा समेत जिम्मेवारी सम्हालेका थिए।क्षेत्रीले सन् २०२० मा ग्लोबल आइएमई बैंकको CEO पदबाट अवकास लिएका थिए।भायानेटले क्षेत्रीलाई बोर्डमा स्वागत गर्दै, उनको दशकों लामो समृद्ध कार्य अनुभव कम्पनीको सशक्त र दिगो विकासमा महत्वपूर्ण योगदान पुग्ने विश्वास व्यक्त गरेको छ।