चलचित्र कान्छीको दोस्रो रोमान्टिक गीत सार्वजनिक भएको छ । राजधानीमा बिहीबार पत्रकार जमघट गरी अभिनेत्री तथा निर्मात्री समेत रहेकी श्वेता खड्काले चलचित्रको दोस्रो गीत रिजि गरेकी हुन् ।  अर्जुन पोखरेलको सङ्गीत तथा दयाराम पाण्डेको शब्द रहेको ‘यो जीउ दाउमा लाउने मैंले तिमीलाई मात्र हो’ बोलको गीतको भिडियोमा धमेन्द्र सेवनको स्वर रहेको छ । 
वसन्त श्रेष्ठको कोरियोग्राफी रहेको भिडियोमा श्वेता सहित अभिनेता दयाहाङ राई, नायिका अनु शाह र कलाकारहरू कामेश्वर चौरसिया, आशान्त शर्मा, भूमिका श्रेष्ठको नृत्य रहेको छ । आकाश अधिकारीको निर्देशन रहेको ‘कान्छी’ आउँदो फागुन ४ गतेदेखि प्रदर्शनमा आउँदैछ ।