चलचित्र ‘बेबी आई लभ यु’को नयाँ गीत सार्वजनिक भएको छ । ‘तेरो मेरो’ बोलको  गीत मङ्गलवार युट्युबमार्फत सार्वजनिक गरिएको हो । गीतमा चलचित्रका नायक सन्तोष खड्गीको सङ्गीत र स्वर रहेको छ । जनक पाण्डे निर्दे्शित चलचित्रमा सन्तोष खड्गी, पूजा तिवारी,सरोज खनाल, निर्मल शर्मा, रेसम बुढाथोकि, एपसोन पन्थि,बिमला गिरी, किरण के शर्मा लगायतको अभिनय रहेको छ भने चर्चित डान्स ग्रुप कार्टुञ्ज क्रुको पनि एउटा डान्स छ । चलचित्रलाई शिव न्यौपानेले निर्माण गरेका हुन् भने चलचित्रको पटकथा र सङ्गीत नायक खड्गीको रहेको छ । लिचि ईन्टरटेन्मेन्टको ब्यानरमा बनेको चलचित्र आउँदो जेष्ठ १८ गतेबाट प्रदर्शन हुदैँछ ।