रियल प्रेमजोडी उमेश थापा र कविता गुरुङको प्रेमकथामा आधारित रहेर बनाइएको चलचित्र ‘बोबी’को पोस्टर सार्वजनिक भएको छ । असार २९ गते प्रदर्शन मिति तय गरेको चलचित्रले आफ्नो प्रमोसन सुरु गर्दै चलचित्रको पोस्टर सार्वजनिक गरेको हो । चलचित्रमा उमेश र कविताको नै मुख्य भूमिका रहेको छ । मिलन चाम्सको निर्देशन रहेको चलचित्रमा यी दुईको प्रेम, रोमान्स, रोदन, सङ्घर्ष, परिवार, जीवन पोस्टरममा झल्किएका छन् ।
चाम्स इन्टरटेनमेन्ट र लन्डन आई इन्टरटेनमेन्टको ब्यानरमा निर्माण भएको ‘बोबी’मा सञ्चारकर्मी नरेश भट्टराईरगिरिराज घिमिरेको स्क्रिप्ट, नवराज कृष्ण थापाको छायाङ्कन, अर्जुन जिसीको सम्पादन र वसन्त सापकोटारताराप्रकाश लिम्बुको सङ्गीत रहेको छ ।
चलचित्रमा यी दुईका अलावा विजय लामा, रुबी राणा शाह, देशभक्त खनाल, रश्मि भट्ट, रवि गिरी, सुरवीर पण्डित, बादल भट्ट, पूर्णिमा लामा, शिशिर राणा लगायतका कलाकारको अभिनय रहेको छ ।
