काठमाडौँ इन्टरन्यासनल माउन्टेन फिल्म फेस्टिभल ( किम्फ ) को सोहौं संस्करण आज (शुक्रवार)बाट सुरु भएको छ । राष्ट्रिय सभा गृह र नेपाल पर्यटन बोर्डमा मङ्सिर २१ देखि २५ गतेसम्म ( ७ देखि ११ डिसेम्बर ) चल्ने यो फिल्म महोत्सवको आनी छोइङ डोल्मा, जेनिफर पिडम, दावा यामजुम शेर्पा, सरिता मिश्र र लक्ष्मी शर्माले वुमन मुभ माउन्टेनको ब्यानर खोलेर सुरु गरेका थिए ।
महोत्सवको सुरवात अष्ट्रेलियाली निर्देशक जेनिफर पिडमको माउन्टेन फिल्मबाट भएको थियो । फिल्म “माउन्टेन”मा ले पर्वतको सौन्दर्य, रहस्य र अद्भूत शक्तिलाई अतीव सुन्दर ढं¨ले प्रस्तुत गरिएको छ ।यसपटक नेपाल लगायत ३१ वटा देशहरुका ७० भन्दा बढी फिल्महरु देखाइँदैछ । विगत चार बर्ष देखि किम्फ सिनेमा हलमा हुदैँ आइरहेको थियो । चार बर्ष पछि पुनःराष्ट्रिय सभा गृहमा फर्किएको किम्फमा वृत्तचित्र, कथानक चलचित्र, लघु चलचित्र, प्रयोगवादी र एनिमेसन फिल्महरू देखाइने छन् ।वुमन मुभ माउन्टेन्स भन्ने नारा बोकेको किम्फको सह आयोजक काठमाडौँ महानगरपालिका रहेको छ ।
यस वर्षको निर्णायक मण्डलमा केन्डल माउन्टेन फिल्म फेस्टिभलका कला निर्देशक क्लेर जेन कार्टर, अष्टे«लियन फिल्ममेकर जोलियन हफ तथा नेपालका छिरिङ रितार शेर्पा रहेको आयोजकले जानकारी दिए । जुरीले अन्तर्राष्ट्रिय प्रतिस्पर्धामा परेका १४ फिल्महरु मध्येबाट उत्कष्ट ३ फिल्म र नेपाल पानोरमा अन्तर्गत परेका २० वटा फिल्महरुबाट उत्कृष्ट बृत्तचित्र र कथानक चलचित्रको छनौट गर्नेछन् ।
अन्तराष्ट्रिय प्रतिस्पर्धामा पहिलो, दोस्रो र तेस्रो हुने फिल्मलाई क्रमशः अमेरिकी डलर १५००।– १,०००।– र ५००।– बराबरको नगद पुरस्कार प्रदान गरिने छ भने त्यस्तै नेपाल पानोरामा अन्तर्गत आख्यान र गैरआख्यान विधामा क्रमशः रु एक लाख र ७५ हजार रूपियाँको नगद पुरस्कार दिइने छ । किम्फमा प्रदर्शित उत्कृष्ट पर्वतीय फिल्मलाई इसिमोडले १ हजार अमेरिकी डलरको नगद पुरस्कार प्रदान गरिने छ ।
