चलचित्र ‘नाई न भन्नु ल ४’बाट सिने नगरीमा डेव्यु गरेकी नायिका आँचल शर्माले आफ्नो २२ औँ जन्मदिनको केक काटेकी छिन् । मंगलबार चलचित्र ‘दाल भात तरकारी’ टिमसँग आँचलले आफ्नो जन्मदिनको केक काटेकी हुन् ।
बिहान परिवारको साथमा जन्मदिन मनाएकी आँचल दिनभर बिभिन्न आश्रम पुगेर असाहयसँग केक काटेको बताइन् ।‘हरेक बर्ष स्नेही काखमा गएर केक काट्ने गरेको छु । आफ्ना तर्फबाट सक्दो सहयोग गरेको छु’ आँचल सुनाउछिन् ।
त्यस्तै चलचित्र क्षेत्र आफ्नो दोस्रो परिवार रहेको र हरेक बर्ष चलचित्र टिमसँग जन्मदिन मनाउन पाँउदा सुखी लागेको उनी बताउछिन् । जन्मदिनमा चलचित्र दाल भात तरकारीका निर्माता किरण केसीले आँचल आफ्नो छोरी भन्दै शुभकामना दिएका थिए ।
