अभिनेत्री तथा निर्देशक झरना थापाकी छोरी सुहाना थापाले बुधवार २१ औँ जन्मदिन मनाइन् । राजधानीको पाँच तारे होटेल अन्नपूर्णमा सुहानाको जन्मदिनसँगै सुहाना अभिनीत ‘ए मेरो हजुर ३’को सक्सेस पार्टी आयोजना गरिएको थियो ।
उक्त सक्सेस पार्टीमा चलचित्रको सम्पूर्ण कलाकारसँगै चलचित्रकर्मी, सञ्चारकर्मीको बाक्लो उपस्थिति रहेको थियो । सुहानाको जन्मदिनमा चलचित्रका मुख्य कलाकारमा अनमोल केसी र सलोन बस्नेत उपस्थित भएका थिए ।
कार्यक्रममा बोल्दै सुहानाले मायागर्ने सन्पूर्णप्रति धन्यवाद व्यस्त गरेकी थिइन्। त्यस्तै अभिनेता अनमोल केसीले ए मेरो हजुर ३ टिमसँग जोडिन पाउँदा खुसी लागेको व्यक्त गरेका थिए । झरना थापा निर्देशित ए मेरो हजुर ३ हाल चौथो हप्तामा प्रदर्शन भइरहेको छ ।
