चलचित्र ‘जय भोले’को निर्माण टिमले निर्माण गर्ने लागेको 'रातो टिका निधारमा'को आधिकारिक घोषणा भएको छ । आगामी दशैँलाई रिलिज मिती तोकिने भनिएको चलचित्रलाई शोक शर्माले निर्देशन गर्ने छन् भने निर्देशकका छोरा अंकित शर्माले यसै चलचित्रबाट डेब्यु गर्दै छन् । चलचित्र टिमले आइतबार आयोजित घोषणा कार्यक्रम अलि फरक किसिमको रहेको थियो । कुमारी हलको पर्दामा सम्पूर्ण परिवारलाई फोटोसहित सार्वजनिक गरियो भने, अंकितले पर्दा हुँदै प्रेसमिटमा इन्ट्री गरे । चलचित्रमा उनि साम्राज्ञी राज्यलक्ष्मी शाहसँग देखिने छन् ।
यसैगरी चलचित्रमा निता ढुंगाना, रविन्द्र झा, बुद्दि तामाङ खुश्बु खड्का, बसुन्धरा भुषाल, लक्ष्मी गिरी, अरुणा कार्की, राजाराम पौडेल, शिवहरि पौडेल, जयनन्द लामा लगायत कलाकारको उपस्थिती रहनेछ । कार्यक्रममको सुरुवात रातो टिका लगाएर सुरु गरिएको थियो । ए .ए ग्रुप अफ कम्पनीजबाट निर्माण हुने चलचित्रमा किरण शर्मा र कृति शर्मा निर्माताको रुपमा रहनेछन । शम्भुजित बाँस्कोटा, कल्याण सिंहको संगीत, बसन्त श्रेष्ठको कोरियोग्राफी, पुरुषोत्तम प्रधानको छायाँकन, मित्र देव गुरुङको सम्पादन, राजेश शाहको भिएफएक्स रहनेछ भने, गायनमा प्रमोद खरेल, मेलिना राई, निशान भट्टराई र अस्मिता अधिकारी रहनेछन ।
