सिन्धुपाल्चोकमा अभिभावक गुमाएका दृष्टिविहीन बालबालिकाहरूलाई सिपमूलक तालीम र वासस्थान निर्माणका लागि रकम जुटाउन अस्ट्रेलियामा ‘सपोर्ट फर सेल्टर च्यारिटी इभेन्ट’ आयोजना हुने भएको छ । सिन्धुपाल्चोक नेत्र हीन सङ्घको सहयोगार्थ अस्ट्रेलियाको तासमनियामा रहेको तास इभेन्ट इन कर्पोरेसनले आयोजना गरेको कार्यक्रम अस्ट्रेलियाका सात विभिन्न ठाउँमा कन्सर्ट आयोजना हुने छ । महानायक राजेश हमालको नेतृत्वमा हुन लागेको उक्त कार्यक्रममा पछिल्लो समय नेपालमा मात्र नभएर भारतमा समेत चर्चाको शिखरमा पुगेकी गायिका मेनुका पौडेल, युवा पुस्तामाझ खुब रुचाइएकी पप गायिका एन्जिला रेग्मी र कलाकार शैलेन्द्र सिम्खडा सहभागी हुँदै छन् ।

तासमनियामा जुन ३० मा, ब्रिसबेनमा जुलाई ४ मा, गोल्ड कोस्टमा जुलाई ७ मा, जुलाई ८ मा क्विसल्याण्डमा, जुलाई १२ मा सिड्नीमा, जुलाई १३ मा एडिलेटमा र जुलाई १४ का दिन मेलबर्नमा कार्यक्रम आयोजना हुनेछ । कार्यक्रमबाट उठेको रकमबाट खर्च कटाएर बाँकी रहेको सम्पूर्ण रकम महानायक राजेश हमालको रोहबरमा सम्बन्धित संस्थालाई पत्रकार सम्मेलनको आयोजना गरेर उपलब्ध गराइने जानकारी दिइएको छ । कार्यक्रमका लागी बिहीबार अस्ट्रेलिया तर्फ लाग्दै छ ।