आज भदौ ७ गते नेपाली र जतपटकी निकै चर्चित कलाकार दीपाश्री निरौलाको जन्मदिन परेको छ । नेपाली र जतपटमा रेडियो प्रस्तोताबाट टेलिसिरियल हुँदै ठुलो पर्दाको चलचित्रमा अभिनय गर्दै निकै सफल निर्देशक निर्माता बन्न सफल दीपा निरन्तर नेपाली फिल्म जगतमा समर्पित छिन् । उनले सञ्चालन गर्ने रेडियो कार्यक्रम 'धनियाँकी दुनियाँ' आज पनि उत्तिकै चर्चित छ । हास्य टेलिसिरियल तितो सत्य हुँदै ब्लकबस्टर चलचित्र छक्का पन्जा सिरिजसम्म आइपुग्दा उनले आफूलाई प्रमाणित गरिसकेकी छिन् । जन्मदिनको अवसरमा दीपालाई उनका निकट व्यक्तित्वहरूले शुभकामना दिइरहेका छन् । यसैबिच दीपासँग सधैँ जोडिएको नाम एक अर्काका कलाकारिताका पर्याय दीपक राज गिरीले उनलाई निकै भावुक र भावनात्मक शुभकामना सन्देश आफ्नो सामाजिक सञ्जालमा पोस्ट गरेका छन् ।
उनले आफ्नो सबैभन्दा नजिकको सबैभन्दा प्यारो, हरेक सफलता असफलतामा साथ दिने, आफू हारेर जिताउने, हरेक समस्यामा साथ दिने साथीलाई जन्मदिनको शुभकामना भन्दै दुईको तस्बिर सहित पोस्ट गरेका छन् । साँच्चै भन्नु पर्दा यी दुई कलाकारको लागी एक अर्का निकै महत्त्व राख्छन् सायद दुबैजनाको सफलताको पछाडि उनीहरूको सहयात्रा पनि हो । आगामी चलचित्र 'छ माया छपक्कै'को लागी तयारी गरिरहेकी दीपालाई जन्मदिनको लाखौँ शुभकामना!!
