नायिका प्रियंका कार्की र नायक आयुष्मान देशराज जोशीको विवाह हुने भनिएको पनि लामो समय भैसकेको छ । दुईले विवाहको लागी टिका टाला गरेको पनि दुई वर्ष नाघिसक्यो । यति बेला विवाह हुने निश्चित भएपछि उनी ब्याचलर पार्टी थाइल्यान्डमा छिन् । आफ्ना केही निकट साथीहरूसँग ‘ब्याचलर पार्टी’ मनाउन बुधवार थाइल्यान्ड उडेकी उनी यति बेला सबैतिर छाइरहेकी छिन् । प्रियंकाले इन्स्टाग्राम स्टोरीमा साथीहरूसँग थाइल्यान्डको समुन्द्री तटमा रमाइरहेको तस्बिरहरू पोस्ट गरिरहेकी छिन् । तस्बिरमा उनी साथीहरूसँग मस्ती मुडमा देखिएकी छन् ।
प्रियंकाले क्रुजमा खिचेको एक तस्बिर अहिले सामाजिक सञ्जालमा भाइरल भएको छ । तस्बिरमा उनी रातो बिकिनीमा देखिएकी छन् । उनका साथीहरू पनि बोल्ड अवतारमा देखिएका छन् । सहाना बज्राचार्य, सिवांगी प्रधानलगायतले प्रियंकाका लागि आयोजना गरेको ‘ब्याचलर पार्टी’ सहभागी छन् । प्रियंकाले यस ग्रुपलाई आफ्नो परिवार भनेकी छिन् । प्रियंका र नायक आयुष्मानले यसै वर्षको फागुनमा बिहे गर्ने सम्भावना रहेको छ ।
