चलचित्र ‘ए मेरो हजुर ४’ को मुहूर्त गरिएको छ । अनमोल केसी र सुहाना थापाको मुख्य भूमिका रहने चलचित्रको शुक्रवार कार्य विनायक मन्दिरमा मुहूर्त गरिएको हो । मुर्हत कार्यक्रममा अनमोल र सुहानासँगै अभिनेता सलोन बस्नेत, निर्देशक झरना थापा, छायाकार सञ्जय लामालगायत उपस्थित थिए । मुहूर्तसँगै चलचित्रको छायाङ्कन पनि सुरु भएको छ । शुक्रवार काठमाडौँमा केही सट लिएर निर्माण टिम आजै पोखरा तर्फ लाग्दै छ ।
चलचित्र पोखरामा १० दिन, काठमाडौँ र ललितपुरमा गाह्रो करिब ३० दिन लगाएर छायाङ्कन गरिने छ । साथै युरोप र ओमानमा गीत खिच्ने तयारी निर्देशक थापाको छ । सुनिल कुमार थापा प्रोडक्सन र सुहाना इन्टरटेनमेन्टको ब्यानरमा बन्न लागेको चलचित्र आगामी दसैँमा प्रदर्शनमा ल्याउने भनिएको छ । दसैँको फूलपातीलाई प्रदर्शन मिति लक गरिएको छ भने दीपक दीपाको ‘छक्का पन्जा ४’ले पनि यही मिति ताकेको छ ।
