अभिनेत्री श्वेता खड्काको नेतृत्वमा गोदावरीमा क्यान्सर हस्पिटल बन्ने भएको छ । स्वेताका श्रीमान् अर्थात् नायक श्रीकृष्ण श्रेष्ठको क्यान्सरकै कारण म्रुत्यु भएको थियो । विवाह भएको केही दिन मै क्यान्सरले श्रीमान् गुमाउनुको पिडा कस्तो हुँदो हो त्यो श्वेतालाई जति कसलाई थाहा होला । श्रीकृष्ण को मात्र होइन स्वेताका भिनाजुको पनि क्यान्सरकै कारण मृत्यु भएको थियो । यसरी क्यान्सरले परिवारबाट एक पछि अर्को खुसी खोसिदिँदा श्वेतालाई निकै ठुलो आघात पर्यो ।
त्यस यथा उनी सामाजिक काममा आफूलाई निकै व्यस्त राखिरहेकी छिन् । यसै बिच आफूलाई जस्तो पिडा अरूलाई पनि नपरोस् र कसैले उपचार नपाएर संसार छोड्नु नपरोस् भन्ने सोच बनाएर श्वेता क्यान्सर हस्पिटल निर्माणमा जुटेकी छिन् । उनी क्यान्सरको लागी काम गरिरहेका केही टिमसँग सहकार्य गरेर यसको लागी लागी परेकी हुन् । हस्पिटलको भवन निर्माणको शिलान्यास सोमवार गरिएको छ । गोदावरीको छम्पीमा हस्पिटल निर्माण सुरु हुँदै छ ।
स्वेताका अनुसार सय बेड क्षमता भएको यस अस्पतालले क्यान्सर रोगको उपचार गर्नुका साथै क्यान्सरको बारेमा जनचेतना जगाउने काम गर्नेछ । आफूले नेशनल क्यान्सर अस्पतालबाट प्रभावित भएर यस काममा हात हालेको उनको भनाइ छ । हस्पिटलको नाम 'नेशनल हस्पिटल एण्ड क्यान्सर रिशर्च सेन्टर' राखिएको छ ।
