कोरोनाभाइरस (कोभिड १९) सङ्क्रमण हुन नदिन सरकारले गत चैत ११ गतेदेखि गरेको लकडाउनले जनजीवन निकै प्रभावित बनेको छ । लकडाउनको १ महिना बित्नै लाग्दा दैनिक ज्याला मजदुरी गर्ने मजदुर देखी विद्यार्थीसम्म सबैको जनजीवन कष्टकर बन्दै गएको छ । यस समस्यालाई मध्यनजर गर्दै केही कलाकारहरूले आफ्नो तर्फबाट सहयोग गरिरहेका छन् । यसै बिच समाजका र देशको लागी काम गर्दै आएका समाजसेवी कलाकार द्वय सीताराम कट्टेल ‘धुर्मुस’ र उनकी पत्नी कुञ्जना घिमिरे ‘सुन्तली’ले राहत वितरण गरेका छन् । लकडाउनका कारण समस्यामा परेका विद्यार्थीहरूलाई उनीहरूले राहत प्रदान गरेका हुन् ।  कीर्तिपुर त्रिभुवन विश्वविद्यालयमा अध्ययनरत २०० बिद्यार्थीहरुको लागी २०० बोरा चामल ,६०० के जी दाल , २०० लिटर तेल , २०० प्याकेट नुन र २०० कार्टुन बिस्कुट वितरण गरिएको छ।

धुर्मुस सुन्तली फाउन्डेसनमार्फत उनीहरूले कीर्तिपुरमा बसेका त्रिभुवन विश्वविद्यालयसहितका विद्यालयमा अध्ययनरत विद्यार्थीहरूलाई मङ्गलवार चामल, दालसहित खाद्यान्न प्रदान गरेका हुन् । पहिलो चरणको राहत वितरण कार्यक्रममा विद्यार्थीहरूलाई सहयोग गरेको र यसपछि चरणबद्ध रूपमा विद्यार्थीसहित लकडाउनका कारण समस्यामा परेकाहरूलाई राहत प्रदान गरिने उनीहरूले जानकारी दिएका छन् ।