अभिनेता प्रदीप खड्काको जन्मदिनको अवसर पारेर खड्का अभिनीति फिल्म 'प्रकाश' को पोस्टर सार्वजनिक भएको छ l निर्माण टिमले सार्वजनिक पोस्टरमा फिल्मका मुख्य कलाकार दिया मास्के र प्रदीप खड्कालाई देखाएका छन् l निर्देशक दिनेश राउतको निर्देशन रहेको फिल्म विनिश इन्टरटेनमेन्टको ब्यानरमा निमार्ण भएको छ l फिल्ममा प्रदीप खड्का र रेणु योगीको मुख्य भूमिका रहेको छ l साथै, यसै फिल्म बाट ठुलो पर्दामा रेणुले डेब्यु गरेकी हुन् l विकास सुवेदीले लेखेको फिल्मको कथाले शिक्षक बन्न संघर्ष गर्ने एक युवाको कथा बोल्ने छ l  फिल्ममा दिया मास्के, प्रकाश घिमिरे, राजन खतिवडा, रामबाबु रेग्मी, नीरज पन्थी लगायतका कलाकारहरूको पनि अभिनय रहेको छ । महेन्द्र अधिकारीको लगानी रहेको फिल्मलाई राजेश श्रेष्ठले खिचेका हुन् l तारा प्रकाश लिम्बु, एलिस कार्की, दीपक शर्माको संगीत ,प्रकाशमा उत्तम न्यौपानेको साउन्ड, जीवन थापाको सम्पादन  फिल्ममा समावेश रहेको छ । फिल्म भाद्र १० गते रिलिज हुने छ l