महारानी इन्टरटेन्मेन्ट युके र एभरेस्ट सूर्य बोहरा फिल्मस् संगको संयुक्त सहकार्यमा बिरञ्जना इन्टरटेन्मेन्टको प्रस्तुति रहेको ‘हेल्लो जिन्दगी’ मा समावेश गीत  ‘कता–कता’ रिलिज भएको छ । फिल्मको गीतमा प्रताप दास र प्रविशा अधिकारीको स्वर, एभरेष्ट सूर्य बोहराको शब्द र एलिस कार्कीको संगीत छ । सृजना जोशी महर्जन कार्यकारी निर्माता रहेको फिल्मको कथा निर्देशक बोहरा र विक्रम डी जोशीले लेखेका हुन् ।

एभरेस्ट सूर्य बोहराको लेखन र निर्देशन रहेको फिल्ममा  पुरुषोत्तम प्रधानले छायांकन गरेको यस फिल्ममा सम्राट् बस्नेतको द्वन्द्व निर्देशन र मित्र डी. गुरुङको सम्पादन रहेको छ ।  फिल्मको निर्मातामा हिराल जोशी र विक्रम डी जोशी छन् । फिल्ममा विक्रम डी जोशी, दीपिका प्रसाईँ, प्रियंका कार्की, विल्सन विक्रम राई र विक्रान्त बस्नेत लगायतको अभिनय रहेको छ । आउँदो चैत ११ गते बाट फिल्म प्रदर्शन हुँदै छ l