फिल्म ‘कौसीद’को रिलिज रोकिएको छ । पोस्ट प्रोडक्सनको काम बाँकी रहेकाले निर्माण टिमले जेठ २७ लाई तोकेको रिलिज मिति स्थगित गरेका हुन् l  आगामी जेठ २७ गतेलाई प्रदर्शन मिति घोषणा गरिएको फिल्म पूर्वनिर्धारित मितिमा प्रदर्शन नहुने भएको हो । अब फिल्मलाई नेपालभन्दा पहिला विदेशी भूमिमा प्रदर्शन गरिने भएको छ । जापान र अस्ट्रेलियामा फिल्मको प्रिमियर हुने छ l  निर्देशक कुमार भाष्करको निर्देशन रहेको फिल्मलाई ट्राईडेण्ट कन्सेप्टको सहकार्यमा निर्माण गरिएको हो l बड पिक्चर्सको ब्यानरमा र नायिका ऋचा शर्माको प्रस्तुतिमा निर्माण भएको फिल्मको निर्माता केदार भुसाल हुन् l फिल्ममा कार्यकारी निर्मातामा दिमेश श्रेष्ठ तथा सह-निर्मातामा लक्ष्मण बानियाँ छन् । फिल्ममा सापकोटा र ऋचासँगै रुपेश दाहाल, परीक्षित विक्रम राणा, सदिच्छा गौतम, निर्भीक भट्टराई र सागर भट्टराई मुख्य भूमिका रहेको छ l फिल्मको कथा लेखन नवविजय प्रकाश श्रेष्ठ र धिर्जन थपलियाले लेखेका हुन् फिल्ममा ऋचा शर्मा, भोलाराज सापकोटा, रुपेश दाहाल, परीक्षित विक्रम राणा, सदिक्षा गौतम, निर्भीक भट्टराई, सागर भट्टराई लगायतको अभिनय देख्न सकिनेछ ।