शुक्रबारबाट रिलिजमा आएको फिल्म "ह्यारीकि प्यारी" ले हाउसफुल ब्यापार गरेको छ । शनिबार नेपाली बक्सअफिसमा फिल्मले  हाउसफुलको व्यापार गरेको हो ।शुक्रबार खासै दर्शक नआएतापनि शनिबार भने फिल्मलाई दर्शकको कमि थिएन । राजधानीका थुप्रै मल्टिप्लेक्समा फिल्मले हाउसफुलको व्यापार गर्यो ।फिल्म हेरेर निस्किने दर्शकले फिल्म एकदमै मन परेको प्रतिक्रिया दिएका छन् । अधिकांस दर्शकले जितु-साम्राज्ञीको जोडी रोमाञ्चक लागेको बताएका छन् ।शनिबार हल भिजिटका लागि क्युएफएक्स सिभिल मल पुगेका निर्देशक डा. कपिल रिजालले फिल्मको ‘वर्ड अफ माउथ’ले दर्शक हलसम्म आइपुगेको र भोलिका दिनदेखि ‘मास पब्लिसिटी’ले अझ दर्शक बढ्ने विश्वास व्यक्त गरे ।कपिल रिजालको निर्देशन रहेको फिल्ममा पहिलो पटक कलाकार जितु नेपाल र नायिका साम्राज्ञी शाहले जोडी बाधेका छन् l फिल्ममा जितु ह्यारी र साम्राज्ञी उनको प्यारी बनेकी छिन्  । निर्देशक रिजालकै कथा, सुदीप बरालको पटकथा र संवाद रहेको फिल्म रोमान्टिक कमेडी विषयमा बनेको छ l फिल्ममा गिरीराज घिमिरे शिखर सन्तोष र युग भुसालको संगीत रहेको छ । फिल्मको काठमाडौँ, पोखरा, पर्वत, चितवनलगायतका स्थानमा छायांकन भएको छ । बिआर प्रोडक्सनको ब्यानरमा निर्माण भएको फिल्म​का निर्माता गायक एवं गीतकार समेत रहेका डा. भोला रिजाल हुन् ।  कविराज गहतराजको कोरियोग्राफी, सुदीप बरालको छायांकन रहेका फिल्म अर्जुन जिसीले सम्पादन गर्नेछन् । जितु र साम्राज्ञीका अलवा विजय बराल, लक्ष्मी गिरी, सुवास गजुरेल, नरेश पौडेल, रञ्जना भट्टराई, समीक्षा पौडेल, रमेश अधिकारी, डिल्लीराम खनाललगायतका कलाकारको समेत अभिनय फिल्ममा अभिनय रहेको छ l