फिल्म  ‘खजुरे ब्रो’को गीत रिलिज गरिएको छ । फिल्मको  पहिलो गीत ‘लभ गर्ने मान्छे’ रिलिज गरिएको हो ।अनमोल गुरुङको शब्द तथा संगीत रहेको गीतमा संगीतकार गुरुङ र अनुपम गुरुङको स्वर सुन्न सकिन्छ । सार्वजनिक गीतमा मुख्य कलाकार अभिनेत्री नीति शाहलाई अभिनेता रियर राईको लभ इन्ट्रेस्टको रुपमा प्रस्तुत गरिएको छ ।मिस नेपाल इन्टरनेसनल २०१८ नीतिको यो डेव्यु फिल्म हो । सुरज सुनुवारको लेखन तथा निर्देशन रहेको फिल्ममा नीति शाह, रेअर राई, महेश त्रिपाठी, नवीन मानन्धर, प्रकाश भुजेल, विनीता थापा मगर, सुष्मा निरौला, पुष्कर कार्की, मनिष राउत, प्रेम सुब्बा र सुजाता राई लगायतको अभिनय रहेको छ ।

फिल्म कमेडी जनरामा निर्माण भएको छ । धरानमा चर्चित मानिएका खजुरे पात्रबाट प्रभावित भएर फिल्म निर्माण भएको हो ।दिव्य दृश्य इन्टरटेन्टमेन्टको ब्यानरमा निर्माण भएको फिल्मका  सह-निर्माता अनिल मानन्धर र पिकेश मानन्धर हुन् । फिल्म बैशाख २८ गते रिलिज हुने छ ।