चलचित्र ‘ईश्वर’को नयाँ पोस्टर सार्वजनिक भएको छ । सार्वजनिक पोस्टरमा चलचित्रका कलाकारद्वय पृथ्वीराज प्रसाईँ र अनु शाह फिचर्ड छन् जहाँ उनीहरूलाई रोमान्टिक भावमा देख्न सकिन्छ ।
दिव्या कंगना फिल्मस्को ब्यानरमा निर्माण भएको चलचित्रमा राजु गिरीको निर्देशन तथा हरिबहादुर थापाको निर्माण छ । चलचित्रमा भोजराज देवकोटाको पटकथा तथा संवाद छ ।
लक्ष्मी कुँवर थापाको प्रस्तुतिमा निर्माण भएको चलचित्रमा ध्रुव थापा, पृथ्वीराज प्रसाईँ, अनु शाह, सुनिल थापा, सविन बास्तोला, माओत्से गुरुङ, शिशिर बाङ्देल, ध्रुव थापा, रविन्द्र झा, बुद्धि तामाङ, कृष्टि गुरुङ, गीता अधिकारीलगायतको अभिनय छ । यही चलचित्रबाट अभिनेत्री अनु शाहले ५ वर्षपछि अभिनयमा कम ब्याक गरेकी हुन्।
चलचित्रमा अर्जुन पोखरेल, राजेन्द्र बजगाईँ र बिपी वाग्लेको सङ्गीत, कविराज गहतराज, देवेन्द्र पाण्डे र सुरेश पाण्डेको कोरियोग्राफी रहेको छ भने रामेश्वर हुँमागाईको छायाङ्कन र देव महर्जनको द्वन्द्व निर्देशन रहेको छ । चलचित्र ‘ईश्वर’साउन ११ मा रिलिज हुँदै छ ।
