सलोन सलिना फिल्सस्को प्रस्तुतिमा निर्माण भएको डकुड्रामा ‘हामी छौँ’को गीत ‘यो नजिकको कुरा’ सार्वजनिक भएको छ । गीतमा प्रताप दास र रचना रिमालको स्वर, आनन्द अधिकारीको शब्द र शम्भुजित बासकोटाको सङ्गीत छ ।

भिडियोमा कलाकार सलिना बस्नेत र आर्यन पौडेल फिचर्ड छन् । यात्रा थिममा खिचिएको गीतको भिडियोमा सलिना र आर्यनलाई रोमान्टिक भावसँगै ग्रामीण जनजीवनलाई देखाइएको छ ।

डकुड्रामाको प्रस्तुतकर्ता शोभित बस्नेत हुन् । आगामी दसैँमा ओटिटी प्लेटफर्मबाट रिलिज हुने डकुड्रामा ७ एपिसोडको हुनेछ । सलिना बस्नेत र आर्यन पौडेलको प्रमुख भूमिकामा अभिनय रहेको डकुड्रामामा उमा कार्की, सुमिन गुरुङ, सुशान्त कुमार श्रेष्ठ, युना खड्का, समीर खान ,जय विनोद काफ्ले, सुनिल भण्डारी, शिव राज नेपाल, स्वरूप जङ्ग रायमाझीलगायतको अभिनय छ ।

डकुड्रामामा रामजी राउतको निर्देशन छ । यसमा रामजी लामिछानेको कोरियोग्राफी, सौरभ लामाको छायाङ्कन, आनन्द अधिकारीको गीत, शम्भुजित बासकोटाको सङ्गीत, सुशील देवकोटाको लेखन, बन्दे प्रसादको सम्पादन, मदन न्यौपानेको शृङ्गार, केवलमान सिंह बस्नेतको प्रोडक्सन छ ।