लक्षरा फिल्म्सको प्रस्तुतिमा तयार भएको म्युजिक भिडियो 'राधा पियारी' सार्वजनिक भएको छ। गीत शुक्रवार ओ.एस.आर डिजिटलबाट सार्वजनिक गरिएको हो।

दुई चर्चित कलाकारहरू पल शाह र मलिका महतको प्रभावशाली अभिनयले सजिएको यो भिडियो सन्देशमूलक छ। भिडियोमा पल र मलिका पुलिसको भूमिकामा छन् । सहकारीको नाममा सोझा-साझा जनतालाई ठगिरहेको व्यक्तिलाई यी दुईले कसरी सस्पेन्स तरिकाले पक्राउ गर्छन् भन्ने कुरालाई भिडियोले रमाइलो तरिकाले प्रस्तुति गरेको छ।

गायिका शान्ति श्री परियार र गायक कृष्ण बि.केको सुमधुर आवाज रहेको यो गीतमा कृष्ण बि.के स्वयंले शब्द र सङ्गीत भरेका छन्। सार्वजनिक भिडियोमा जी.बि अग्रको निर्देशन रहेको छ।

नरेश बिबिसिको मिक्सिङ तथा मास्टरिङ रहेको गीतलाई सन्जय विश्वकर्माले कोरियोग्राफी गरेका छन्। भिडियोमा अर्जुन तिवारीको सिनेमाटाेग्राफी र सुपृम पराजुलीको सम्पादन रहेको छ।