कात्तिक १५ गते (लक्ष्मीपूजा)लाई प्रदर्शन मिति घोषणा गर्दै चलचित्र ‘पूर्ण बहादुरको सारङ्गी’को अफिसियल फर्स्ट लुक पोस्टर सार्वजनिक गरिएको छ । 

सार्वजनिक फर्स्ट लुक पोस्टरमा चलचित्रका मुख्य पात्र विजय बराल र प्रकाश सपूतलाई स्थान दिइएको छ । 

सरोज पौडेलको लेखन तथा निर्देशन रहेको चलचित्रमा विजय र प्रकाशसँगै मुकुन भुसाल, बुद्धि तामाङ, अञ्जना बराइली, माओत्से गुरुङ, देशभक्त खनाल, भोलाराज सापकोटा, विनोद न्यौपाने, अलिास बास्तोला, श्याम केसी, जानवी पौडेल लगायतको अभिनय छ ।

सोसल–ड्रामा जनरा निर्माण भएको फिल्मले नेमा गन्धर्व परिवारको कथामा आधारित रहेको छ । चलचित्रको पटकथा तथा संवाद महेश दवाडीले लेखेका हुन् ।

शिवराम श्रेष्ठ छायाँकार रहेको चलचित्रमा प्रशान्त सिवाकोटीको सङ्गीत, हेमन्त कान्छा रसाइलीको सारङ्गी, प्रशान्त सिवाकोटी, मेलिना राई र पुष्पन प्रधानको स्वर रहेको छ । यस्तै, चलचित्रमा सुरेन्द्र पौडेको सम्पादन, सुप्रीम पराजुलीको कलर, उत्तम न्यौपानेको साउण्ड मिक्सीङ, दिनेश बहादुर रावतको सह निर्देशन, रोहित शाक्यको ब्याकग्राउण्ड स्कोर, विजय बस्यालको पोस्टर डिजाइन रहेको छ ।