गायक निशान भट्टराई र गायिका समीक्षा अधिकारीको स्वरमा रहेको गीत ‘कसम बत्तीको’ सार्वजनिक भएसँगै चलचित्र ‘ज्वाइँ साब’को चर्चा थप चुलिएको छ । चलचित्रको फर्स्ट लुक र टिजरले नै दर्शकबीच निकै उत्सुकता बढाएको थियो ।

वसन्त निरौलाको निर्देशनमा बनेको चलचित्र ‘ज्वाइँ साब’ रेड आई फिल्म्सको प्रस्तुति र मौसम फिल्मसको सहकार्यमा निर्माण भएको हो । चलचित्रमा जितु नेपाल र नीति शाहले मुख्य भूमिका निर्वाह गरेका छन्, भने बुद्धि तामाङ, हिमेश पन्त, रमेश बुढाथोकी, निमा पाण्डे, शिशिर वाङ्देल, कविता आले, दीपक आचार्य, राजकुमार पण्डित, कमलमणी नेपाल, प्रकाश घिमिरे लगायतका कलाकारहरूको अभिनय रहेको छ ।

चलचित्रमा संगीत अर्जुन पोखरेल र महेश ताम्राकारको रहेको छ । एक्सन निर्देशन सञ्जय थापाले गरेका छन् भने छायांकन श्याम तामाङले र सम्पादन सन्देश शाहले गरेका छन् ।